Во Милан нов проблем: Тројца фудбалерии се забавувале до раните утрински часови пред натпреварот со Парма

Милан во неделата, во натпреварот од 22-то коло на италијанското првенство, ја победи Парма со 3:2 на Сан Сиро благодарение на двата гола во судиското продолжение. Парма водеше со 2:1 десет минути пред крајот на натпреварот, но потоа, во судиското продолжение, Тијани Рејндерс и Самуел Чуквуезе постигнаа два гола во рок од три минути за победа на Милан.

Со оваа победа, Милан е шести на табелата со 34 бода, додека Парма е 17-та со 20 бода. Прв е Наполи со 53 бода. По натпреварот, тренерот на Милан, Сержо Консеисао, влезе во теренот, но не само за да им честита на играчите за победата.

Португалецот му пристапи на капитенот Давиде Калабрија и влезе во жешка расправа со него. Италијанската Газета дело Спорт открива дека причината за неговото незадоволство е што четворица првотимци отишле на концерт пред натпреварот без консултации со стручниот штаб.

Според информациите на медиумите, Калабрија, Тео Ернандез, Рубен Лофтус-Чик и Франческо Камарда во петокот, пред почетокот на првенствениот викенд, биле забележани на еден концерт во Милано.

Милан во среда, на 29 јануари, го очекува гостување на Максимир, каде во последното, осмо коло од групната фаза на Лигата на шампионите ќе игра против Динамо.