Венгер немилосрдно го понижи Манчестер јунајтед: Ова не е фер!

Манчестер Јунајтед е на чекор до пласман во финалето на Европската лига каде со освојување на натпреварувањето би добиле место во Лигата на шампионите. За легендарниот менаџер на Арсенал, Арсен Венгер, никако не е фер што тимот на 15-то место во Премиерлигата има можност да настапува во елитното натпреварување.

Уште една катастрофална сезона е зад Манчестер Јунајтед. Црвените ѓаволи се само на 15-то место во Премиерлигата, но Рубен Аморим по само неколку месеци во клубот би можел да доведе до трофеј.

Јунајтед е на чекор до пласман во финалето на Европската лига. Тие го добија првиот меч на гостувањето кај Атлетик Билбао со 3:0 и сега дома треба само да ја завршат работата за пласман во финалето.

Таму нивни противник би можел да биде Тотенхем, кој исто така е катастрофален во првенството (16-ти), а Спарс го совладаа норвешкиот Бодо/Глимт со 3:1. Така, еден тим со очајна сезона би можел да профитира од Европската лига и со освојување на натпреварувањето неочекувано да стигне до Лигата на шампионите.

За легендарниот Арсен Венгер вакво нешто никако не е фер. Познатиот Французин би ги променил правилата на УЕФА и не би дозволил Јунајтед или Тотенхем да ја донесат Англија како шести претставник во Лигата на шампионите.

“Не е праведно. Треба да добијат место во Европската лига, а не во Лигата на шампионите. Зошто? Затоа што Премиерлигата веќе има пет клуба во натпреварувањето. Тоа е нешто за коешто УЕФА мора да размисли и размисли што дозволува”, рече Венгер.

Фотографија: Принтскрин