Вакво нешто не се памети: Ова е најлошиот настап во еден НБА плеј-оф!

Кошаркарот на Милвоки Бакс, Кајл Кузма, го запиша официјално најлошиот настап во историјата на плеј-офот на НБА лигата во поразот на неговиот Милвоки Бакс од Индијана Пејсерс.

Индијана во првиот дуел од серијата против Милвоки славеше со убедливи 117:98, а на гостите не им помогна ни инспирираниот Јанис Антетокумпо со 36 поени и 12 асистенции. Да беше неговиот соиграч Кајл Кузма порасположен, можеби резултатот ќе беше барем малку поволен за гостите.

Кузма на теренот помина 22 минути, беше стартер, а за тоа време не запиша ништо. Во целосна смисла на тој збор.

Не постигна ниту еден поен, асистенција, скок, украдена топка, а ни блокада. Сите пет шута од игра ги промаши, исто како и двете слободни фрлања.

Статистичарите пресметаа дека тоа е официјално најлошата партија на еден стартер во историјата на плеј-офот на НБА лигата.

Kyle Kuzma has the most minutes by a starter in a playoff game without recording a stat ever. pic.twitter.com/ZKq3W9jQjm

— Real Sports (@realapp_) April 19, 2025

По натпреварот, Кузма изјави дека имал одредени проблеми, но дека тоа не е оправдание за лошата игра. Не сакаше да каже за што се работи.

“Имав проблем, но тоа не влијаеше на изведбата. Дефинитивно одиграв ужасен натпревар, но ова е долга серија и со нетрпение ја очекувам следната утакмица”, изјави Кузма по натпреварот.

Вториот дуел од серијата се игра ноќта од вторник кон среда во еден час по полноќ.