Уште еден српски репрезентативец даде поддршка со студентите во Србија

Стравот од тоа што би можело да се случи ако кажат што мислат за ситуацијата во Србија, барем меѓу кошаркарите, очигледно е попуштен.

Во домино ефект, еден по друг, репрезентативците на Србија во кошарка почнаа да даваат поддршка на студентите и граѓаните, некои на социјалните мрежи, некои со присуство на протестите.

Денес, ден по тоа што Никола Калиниќ и Дејан Давидовац излегоа на улиците на Белград во најмасовните демонстрации во историјата на Србија, а Вања Маринковиќ од Дубаи испрати зборови на поддршка, на Инстаграм се огласи и Никола Јовиќ.

Повредениот кошаркар на Мајами сподели снимки од улиците на главниот град кои предизвикуваат стравопочит.

Еве го и Јовиќ, би можел и оној со „к“ во презимето 🙏🏻 pic.twitter.com/4dWE6Pmnt2

— oli_mijuskovic7 (@bela_cokoladica) March 16, 2025