Јокиќ и Денвер ја разнесоа Минесота: Српскиот кошаркар запиша нов трипл-дабл (Видео)

Денвер Нагетс убедливо ја совладаа Минесота Тимбервулвс со 125:113 во петтиот натпревар од плејоф серијата на НБА лигата и го намалија вкупниот резултат на 3:2.

Никола Јокиќ повторно доминираше и забележа трипл-дабл со 27 поени, 16 асистенции и 12 скока.

Освен Јокиќ, во тимот на Денвер се истакнаа и Џамал Мареј со 24, Спенсер Џонс со 20 и Кем Џонсон со 18 поени. Кај Минесота најдобри беа Џулијус Рендл со 27 поени и девет скока и Ајо Досунму со 18 поени.

Серијата сега се преселува во Минесота, а Нагетс ќе мора да победат за да останат во игра за следната рунда. Следниот натпревар се игра во ноќта меѓу четврток и петок.