Нашиот најдобар кик-боксер Димитар Ѓоргиев стана европски шампион откако во финалето го победи Русинот Рамазан Баксанов. Ѓоргиев го освои златниот медал на европското првенство во Братислава, откако во финалниот меч во категоријата Лоу-Кик до 86 килограми, утринава го совлада Русинот Рамазан Баксанов. Димитар Ѓорѓиев зад себе има и три титули светски шампион, а ова е негова прва европска шампионска круна.

Боб Сап после половина година повторно се најде во рингот, но овој пат не се прослави! Имено, во мечот во Измир против домашниот кик-боксер Селчук Устабаси, легендарниот Американец падна во првата рунда. Медиумите шпекулираат дека Сап само барал прилика да падне и да ја предаде борбата. Поради тоа после овој пораз 44-годишниот Американец беше испратен со свирежи од публиката.