Дончиќ со брутален настап ги уништи Клиперс, Далас на само една победа од следната фаза

Tимот на Далас направи голем чекор напред кон следната фаза од плеј-офот. Со последниот триумф изминатата вечер на свој терен против Клиперси (123:93) си обезбедија меч топка на свој терен.

И во овој натпревар човек на одлука беше Лука Дончиќ кој одново ја покажа својата кошаркарска магија. Настапот на Дончиќ беше неизвесен поради повреда на коленото, меѓутоа тој излезе на терен и одигра маестрално.

Словенечкиот кошаркар натпреварот го заврши со дабл-дабл од 35 поени, 10 асистенции и седум скока. Колку доминираше најдобро покажува тоа што имаше дури 20 поени повеќе од вториот стрелец на натпреварот, Клебер (15). Во редовите на Клиперс по толку постигнаа Џорџ и Зубац.

Во овој момент Далас во серијата има предност од 3:2.

Во вториот натпревар во вечерта Бостон и четврти пат го победи Мајами, па така со 4:1 си обезбеди место во наредната фаза.