Денеска се навршуваат 10 години од смртта на поранешниот генерален секретар на Фудбалската федерација на Македонија и еден од основоположниците на самостојна ФСМ, Илија Атанасовски – Ико.
Атанасовски почина на 2 мај 2014 година во Скопје на 65-годишна возраст.
Александар Вучковски - сомелиер: Како македонските вина го освојуваат светот? ↓↓↓
Наш долгогодишен фудбалски работник. Беше фудбалер, тренер, членуваше во комисиите на УЕФА и на ФИФА, беше фудбалски историчар. Ќе остане запаметен и како автор на енциклопедијата на македонскиот фудбал со наслов „Ние сме едно големо фудбалско семејство“. Неговото дело даде само потврда дека фудбалот беше опсесивна тема за Ико.
Великан на фудбалот. Голем и како човек и како играч и како функционер.
Во ФФМ работеше цели 26 години, а во тој период заедно со тогашниот претседател на Федерацијата, Љубисав Иванов – Ѕинго, Фудбалскиот сојуз на Македонија беше примен во УЕФА и во ФИФА.
Исклучително ценет од колегите и од спортските работници. Ќе биде запаметен како еден од големите спортски работници кој знаеше да ги препознае, застапува и брани интересите на македонскиот фудбал.
ИЛИЈА АТАНАСОВСКИ – ИКО, човекот за кој фудбалот беше образование, животна школа и надеж.
Учество во игри на среќа е дозволено за лица со 18+ години. Играј одговорно!