Tрајковски: Ние сме една фамилија, ќе покажеме колку вредиме

Репрезентацијата на Македонија веќе на големо се подготвува за дебито на Европското првенство.

Скоро целата е екипа е на куп, а вечерва се очекува пристигнување и на капитенот Горан Пандев. На денешната прес-конференција зборуваше Александар Трајковски. За Трајковски Македонија оствари голем успех, но верува дека можеме и до подобри резултати.

„Сите добро знаеме што значи овој успех за Македонија. Ќе играме големо натпреварување, се чувствувам одлично сите сонувавме да бидеме на ЕП. Мотивацијата е на највисоко ниво кај сите и ќе го дадеме максимумот. Очекувам добри резултати“.

„Против Германија одигравме одлично и тимски, тој натпревар ни дава голема самодоверба. Ние сме тим, фамилија и продолжуваме со ист сдтав. Ќе дојдат натпреварите и ќе покажеме колку вредиме“, изјави Трајковски.