Сопственикот на Интер Мајами ја откри платата на Меси.

Сопственикот на Интер Мајами Хорхе Мас ја истакна потребата од спонзорски договори за тимот и откри каква плата добива ѕвездата Лионел Меси.

„Причината зошто ми требаат спонзори, и тоа од светска класа, е што играчите чинат многу скапо. Плаќам на Меси помеѓу 60 и 70 милиони евра годишно, ако ги собереме сите бонуси. Но, тој вреди секој денар“, ги цитира зборовите на Мас “А Бола”.

Аргентинецот е вториот највисоко платен фудбалер во светот, отстапувајќи само на Кристијано Роналдо.

Меси се приклучи на Интер Мајами во 2023 година и оттогаш има одиграно 90 натпревари, во кои постигнал 79 голови за клубот од Флорида.