Шпански медиуми: Виновникот за потопот на Реал молеше за прошка од Модриќ

Арсенал во Лондон го победи Реал Мадрид со 3:0 во првиот натпревар од четвртфиналето на Лигата на шампионите.

Defensa Central, страница специјализирана за вести од Реал, пишува дека играчот на Реал ја презеде вината за првиот гол на противникот:

“Давид Алаба веднаш по натпреварот му се приближи на голманот Куртоа и капитенот Лука Модриќ и ги молеше за прошка со зборовите ‘Јас сум виновен’. На Алаба му беше тешко да ја прифати оваа грешка бидејќи доби доверба од тренерот да биде стартер.

Анчелоти поради повредата на Ферланд Менди, кој досега играше како лев бек, одлучи да го замени со Алаба, иако во последно време таа позиција ја покриваше Фран Гарсија.”

Шпанските медиуми во извештаите од натпреварот го истакнуваат Алаба како еден од најлошите играчи на Реал.