Според информациите на шпански Мундо Депортиво, Маркус Рашфорд сериозно ја разгледува можноста да го напушти Манчестер Јунајтед ова лето, а како своја посакувана дестинација ја одбележа Барселона.
Англискиот репрезентативец, наводно, го ангажирал влијателниот агент Пини Захави, кој има блиски врски со челниците на Барселона, вклучително и претседателот Лапорта. Захави е исто така застапник на тренерот Ханси Флик и напаѓачот Роберт Левандовски, што дополнително ги зголемува шансите за реализација на трансферот.
Учиме по најтешкиот пат: Со едукација за заштита и спасување до спречување на трагедии! ↓↓↓
Рашфорд е подготвен да ги намали своите финансиски барања за да го олесни трансферот, а преговорите за можно позајмување на Камп Ноу наводно веќе започнале. Барселона моментално бара решение на позицијата на левото крило, бидејќи Ансу Фати не ги исполни очекувањата. Рашфорд во втората половина од сезоната беше на позајмица во Астон Вила, каде што постигна четири гола и имаше шест асистенции, но поради повреда ќе ја пропушти завршницата на сезоната.
Астон Вила има опција за откуп на неговиот договор за 40 милиони фунти, но овој развој на настаните претставува проблем за нивните планови.
Манчестер Јунајтед, под новиот тренер Рубен Аморим, е подготвен да го продаде Рашфорд за да ослободи место во тимот и да собере дополнителни средства за засилувања.
Учество во игри на среќа е дозволено за лица со 18+ години. Играј одговорно!