Преговорите веќе започнале: Арсенал блиску до големо засилување?!

Шпанското крило Нико Вилијамс летово одолеваше на многу понуди по неговите сјајни настапи и титулата на Европското првенство со репрезентацијата на Шпанија.

Одлучи да остане уште една сезона и да му помогне на неговиот Атлетик Билбао да ги оствари целите и на добар пат е да го направи тоа. 

Баскијците се блиску да се пласираат во Лигата на шампиони преку шпанската Ла Лига, а стигнаа и до четвртфиналето на Лига Европа, каде што ќе ги одмерат силите со Глазгов Ренџерс. Финалето се игра токму во Билбао и јасно е што е сон на овој клуб.

Сепак, времето за разделба полека се приближува и сѐ е извесно дека Атлетик ќе го монетизира својот најдобар играч летово, додека Вилијамс ќе добие шанса да се проба на највисокото ниво.

Одамна е познато дека Барселона го сака Нико Вилијамс, но таа има финансиски проблеми, па сега најсериозен интерес за него покажува Арсенал, кој се обидува да создаде тим што конечно ќе ја освои титулата во Премиер лигата, која се чека од 2004 година.

Според шпанските медиуми, Арсенал нема проблем да го плати отштетата од 60.000.000 евра, колку што бара Атлетик Билбао.

На потег е Вилијамс, кој наводно е подготвен да го засили “топџиите”, но има свои услови. Бара да добие статус на ѕвезда во клубот и годишна плата од дури 15.000.000 евра.

Ако Арсенал се согласи, тоа би значело дека Вилијамс веднаш ќе биде ставен во рангот на лидерите на тимот, бидејќи плата од 15 милиони по сезона имаат Мартин Одегор, Деклан Рајс, Букајо Сака и Кај Хаверц.

На потег се новиот спортски директор Андреа Берта и менаџерот Микел Артета, кои летово сакаат да создадат екипа што ќе ги израдува своите навивачи.

Фото: Athletic Club