Познат е првиот фаворит да го доведе Де Брујне, MLS му е суден, но не и играњето со Меси

Разделбата помеѓу Кевин де Брујне и Манчестер Сити, чија играчка легенда е тој, е сè поблиску.

Познато е дека Белгиецот нема да го продолжи договорот и дека од следната сезона ќе настапува за некој друг клуб.

Долго време се шпекулира за неговата следна дестинација, богаташите од Саудиска Арабија секогаш се спомнуваат кога станува збор за вакви големи имиња, се зборуваше и за неговтрансфер во Астон Вила, но сепак, најреална опција е Де Брујне да замине во американската МЛС лига.

Интер Мајами беше прв кандидат да го донесе во своите редови и така да го додаде на Лео Меси, Луис Суарез, Серхио Бускетс и Жорди Алба, но од тоа нема да биде ништо, иако би било вистински спектакл.

Чикаго Фајр е главниот фаворит за потпис на одличниот офанзивен играч за врска, пренесува добро информираниот Фабрицио Романо.

И покрај големиот интерес на Интер Мајами, Чикаго се чини како пореална опција.

Де Брујне би бил големо засилување за екипата која е во фаза на реконструкција под водство на поранешниот селектор на САД, Грег Берхалтер.

Тој треба да биде клучната фигура во создавањето на новиот тим, кој наскоро сака да се бори за врвот на MLS лигата.

Фото: Manchester City/X