Потресни зборови на Енрике за починатата ќерка – ја освои ЛШ, а потоа се скрши пред камерите

Неверојатниот шпански тренер Луис Енрике му донесе на Пари Сен Жермен трофеј во Лигата на шампиони во историјата на клубот.

ПСЖ во финалето го декласираше Интер со резултат 5:0, а Енрике стана само седмиот тренер во историјата кој со два различни тима го освоил највредниот трофеј и единствениот покрај Пеп Гвардиола кој два пати успеал да ја освои популарната „триплета” – националната лига, Купот и Лигата на шампиони.

Славјето на Енрике беше исполнето со длабоки емоции. Шпанецот во 2019 година доживеа голема семејна трагедија – неговата ќерка Сана почина на деветгодишна возраст по повеќемесечна борба со рак на коските.

„Секој ден мислам на неа, без разлика дали победуваме или губиме. Таа е тука, покрај мене, во моето срце. Сакам да живеам потсетувајќи се на сите добри работи што мојата ќерка ги донесе во мојот живот, тоа е мојата мисија. Мојата ќерка секогаш беше со мене и сигурен сум дека сега е многу среќна”, рече Енрике.