Платини: Денес не знам да набројам тројца фудбалери на Јувентус

Французинот Мишел Платини изненади со изјавата поврзана за неговиот поранешен клуб, Јувентус.

Имено, Платини истакна дека во овој момент не би знаел да наброи тројца сегашни фудбалери од редовите на „старата дама“.

„Не следам многу Серија А бидејќи во Франција нема телевизија која ги пренесува натпреварот. Искрено не знам да набројам тројца фудбалери на Јувентус, но се радувам кога ќе слушнам дека Јуве победил. Тоа е клуб во кој поминав многу убави моменти, но беше поодамна, пред повеќе од 40 години“, изјави Французинот.

Француската легенда своевремено беше и прв човек на Европскиот фудбал, но функцијата ја напушти поради скандалот со корупција за Мундијалот во Катар поради што беше и суспендиран.