Дома Фудбал Oфицијално: Нико Ковач има нов клуб

Oфицијално: Нико Ковач има нов клуб

Хрватскиот стратег Нико Ковач (50) е новиот тренер на Борусија Дортмунд.

Спортскиот директор Ларс Рикен го потврди ова по натпреварот од Лигата на шампионите против Шахтјар (3:1), а Ковач се договори за еднаиполгодишна соработка со Милионерите.

Педесетгодишниот Ковач го замени Нуриј Сахин, кој беше отпуштен од Борусија минатата недела, додека тимот привремено го водеше Мајк Тулберг.

Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст


“Можам да потврдам дека постигнавме договор со Ковач. Мајк ќе го води тимот во саботниот првенствен натпревар против Хајденхајм, а Нико ќе го преземе тимот в недела”, изјави Рикен за DAZN.

Ковач е поранешен хрватски репрезентативен играч кој скоро целата кариера ја помина во Германија. Таму го носеше дресот на Херта Берлин, Баер Леверкузен, ХСВ и Баерн Минхен. На крајот од кариерата настапуваше за Ред Бул Салцбург.

Тренерската кариера ја започна на клупата на хрватската репрезентација. Прво, репрезентација до 21 година, а потоа и А тимот. Потоа ги водеше Ајнтрахт од Франкфурт, Баерн, Монако и неодамна Волфсбург, кој го напушти во март 2024 година.

Дортмунд во оваа сезона особено се мачи во Бундеслигата, каде по 19 кола се наоѓа на 11-то место со 22 бода помалку од лидерот Баерн. Победи само во еден од последните осум натпревари во лигата.

Коментари
Прочитајте поврзани статии
Load More In Фудбал

Проверете

Aморим уште е тренер на Јунајтед, а веќе се најавува неговиот нов клуб?!

Во трка за претседател на Бенфика, Жоао Нороња Лопеш, беше присутен во Манчестер за градск…