Oткако не успеа да стане фудбалер, Болт ќе станува – бизнисмен!

Вчера во фудбалскиот свет одекна веста дека Усаин Болт става крај на неговата фудбалска кариера.

Најдобриот спринтер на сите времиња одлучи да се откаже од фудбалот после неуспешните преговори со Централ Кост Маринерс со кој не се договори околу финансиските детали од договорот.

„Беше убаво додека траеше. Не сакам да кажам дека работите не одеа како што треба, но некои работи тргнаа во насока во која не требаа да тргнат. Беше тоа убаво искуство, уживав што бев дел од тој тим“, изјави Болт.

Болт потврди дека сега ќе се насочи кон тоа да стане добар бизнисмен.

„Сега ќе се насочам кон други работи и ќе се обидам да станам добар бизнисмен“, порача Болт.