Навивач расистички го навреди фудбалерот, па следниот ден се обеси: Пораката што ја остави ги руши срцата

На локалното фудбалско дерби помеѓу Честер и Ворингтон, се случи инцидент кога еден навивач на Честер, Ендрју Пауел Хјуит, изврши расистички гестови кон играч на спротивниот тим, Бохан Диксен, што предизвика бура во јавноста и полициска истрага.

Снимката од навредливото однесување брзо стана вирална, а клубовите остро го осудија инцидентот, нагласувајќи нулта толеранција кон расизмот.

Само ден потоа, 52-годишниот Хјуит беше пронајден мртов во неговиот дом, а истрагата потврди дека извршил самоубиство обесувајќи се.

Неговото семејство изјави дека станува збор за лице кое веројатно подлегнало на емоциите во моментот, но немаше склоност кон вакво однесување.

– За време на натпреварот, мала група навивачи на Честер беа забележани како прават гестови кон играчот на Ворингтон. Тоа не наликуваше на Ендрју. Веројатно се изгубил во моментот – рече неговиот брат.

Во прошталната порака остави краток, но јасен израз на каење, додека неговото семејство остана длабоко потресено од трагедијата.

– Згрешив, прости – кратко напиша Хјуит.

Надлежните потврдија дека нема сомнителни околности, а јавноста остана поделена меѓу осудување и сочувство кон исходот на настанот.