Тренерот на Кливленд, Кени Аткинсон, беше прогласен за тренер на сезоната во Американската професионална кошаркарска лига (НБА) во ноќта помеѓу понеделникот и вторникот.
Аткинсон е во својата прва сезона во Кливленд и во петтата сезона во НБА лигата, а првпат е добитник на трофејот „Ред Ојербах“. Наградата ја освои со 401 поен.
Учиме по најтешкиот пат: Со едукација за заштита и спасување до спречување на трагедии! ↓↓↓
Второто место го зазеде Џеј Би Бикерстаф од Детроит со 305 поени, а трет беше Име Удока од Хјустон со 113 поени.
Аткинсон ги предводеше Кавалирс со 15 последователни победи на почетокот на сезоната, што беше еден од трите низи со најмалку по 12 победи. Тимот направи низа од 16 триумфи, од 5 февруари до 14 март, што е клупски рекорд.
Кливленд со 64 победи и 18 порази го имаше најдобриот скор во Источната конференција.
Тоа е вториот најдобар резултат во историјата на франшизата, а Аткинсон стана третиот тренер на Кавалирс што ја добил наградата за најдобар, по Били Фич (1975/1976) и Мајк Браун (2008/2009).
Учество во игри на среќа е дозволено за лица со 18+ години. Играј одговорно!