Милер сакал да го напушти Баерн поради Ковач – со отказот се променила ситуацијата!

Томас Милер, легендата на Бајерн Минхен, откри дека сериозно размислувал да го напушти клубот кога тренер бил Нико Ковач. Во интервју за „Шпигел“, 35-годишниот Милер призна дека сакал да размисли за можноста за трансфер во зимскиот преоден рок во 2019 година.

“Му кажав на клубот дека, ако мојата ситуација не се промени, сакам да ја разгледам можноста за трансфер во зима”, изјави тој. Милер беше незадоволен од начинот на третман од страна на Ковач. Поранешниот хрватски селектор му доделуваше многу малку време на играње во првата половина на сезоната, а Милер сметаше дека Ковач го деградирал со изјавата дека ќе добие минути “ако биде потребен”.

“За улога на резервен играч бев премногу нестрплив”, објасни Милер. Клубот не реагираше веднаш на неговата желба за заминување, туку му беше кажано да се смири и дека ќе разговараат во декември. Тој разговор никогаш не се случи затоа што Ковач доби отказ по поразот од 5:1 од Ајнтрахт Франкфурт во ноември. Потоа Милер одлучи да остане.

Останувањето во Бајерн му се исплатеше. Со Баварците освои 12 титули шампион, 6 купови и 2 Лиги на шампиони и стана една од најголемите легенди во историјата на клубот. Да потсетиме, Ковач го водеше Бајерн од летото 2018 година до ноември 2019 година, а во својата прва и единствена целосна сезона освои ги сите три домашни трофеи – Бундеслигата, купот и суперкопот.