Меси и друштвото во Интер Мајами за тренер добиваат поранешен соиграч од Барса?

Херардо Тата Мартино поднесе оставка од клупата на Интер Мајами и во иднина нема да го води овој тим.

Мартино си замина по разочарувачката елиминација на стартот од плеј-офот од Атланта, Аргентинецот така одлучи да го напушти клубот од Флорида.

Интер Мајами каде што покрај Меси играат: Суарез, Алба и Бускетс беше еден од главните кандидати да ја освои титулата, а во плеј-офот влезе и од првата позиција во регуларниот дел. Сепак следуваше шокантна елиминација од Атланта која заврши како деветта.

Засега не е познато кој ќе биде наследникот на Мартино, меѓутоа се шпекулираше со името на Чави Ернандез кој и понатаму е без ангажман по заминувањето од Барселона.

Чави по конфликтот со Лапорта ја напушти Барселона и се уште е без клуб. Новата сезона започнува дури во март, па така Бекам има доволно време да го пронајде вистинското решение.