Мекинро: Ѓоковиќ ги „лансира“ Синер и Алкараз во ѕвездите!

Позната е приказната на сите членови на големата тројка дека постојано се мотивирале еден со друг за да бидат сè подобри и подобри. Да не беа Рафаел Надал и Новак Ѓоковиќ, Роџер Федерер никогаш не би го постигнал тој квалитет, а истото важи и за останатите двајца меѓусебно.

Џон Мекинро, аналитичар на „Еуроспорт“, вели дека историјата во слична форма се повторува, дека сега повторно си создаде триаголник но со поинакви страни.

„Ѓоковиќ е заслужен за напредокот на Јаник Синер и Карлос Алкарас, тој го инспирираше Италијанецот да ја подигне играта на сосема ново ниво. Тие сфатија колку е тој добар уште и тоа го покажа кога го надмудри Алкараз во четвртфиналето на Австралија Опен“, вели Мекинро.