Македонската машка ракометна репрезентација вечерва од 18:00 часот, во арената „Јане Сандански“ во Скопје, ќе го одигра клучниот натпревар од квалификациите за Европското првенство.
Противник е селекцијата на Литванија, а улогот е јасна – победа со најмалку два гола разлика би ѝ обезбедила на Македонија директен пласман на континенталниот шампионат како втора пласирана во групата.
Исхрана, повреди и тренинг – совети од доктор по спортска медицина | Уште еден поткаст
Иако селекторот Кире Лазаров се соочуваше со одредени проблеми при формирањето на составот, атмосферата во репрезентативниот табор е борбена и исполнета со силна желба за успех.
Свесни за тежината и значењето на натпреварот, македонските ракометари се подготвени да го дадат максимумот, особено со оглед на поддршката која се очекува од трибините во салата во населбата Аеродром.
Првиот дуел меѓу овие две репрезентации заврши со тесна победа на Литванија (29-27).
Фото: Ракометна Федерација на Македонија
Учество во игри на среќа е дозволено за лица со 18+ години. Играј одговорно!