Луди правила во МЛС кои би можеле да го доведат Де Брујн кај Меси

Правилата под кои функционира и по кои живее светот на фудбалот во Соединетите Американски Држави немаат допирни точки со тоа како стојат работите во Европа. Или било каде на планетата.

Ако ја изземеме фактот дека од МЛС не се испаѓа, што е спротивно на сите спортски стандарди на кои се придржува фудбалска Европа, се разликуваат и многу други работи.

Пред сè, ограничување на платите. И фактот дека до оваа сезона клубовите само разменуваа играчи. Од оваа сезона е популарната трејд-размена која е возможна и со доплата, а првиот играч за кој е платено обештетување е Дејан Јовељиќ.

Веќе ја знаеме приказната дека Лионел Меси, за да игра во Интер Мајами, го плаќа практично целата лига. А досега веќе сте чуле и најави дека на Аргентинецот наскоро би можел да му се придружи и Кевин де Брујн.

Како? Благодарение на уште едно правило кое не го познаваме.

Интер Мајами е клуб кој оваа сезона има право на приоритет за „дискравери рајтс“, и тоа им дава право први да преговараат со Де Брујн, доколку тој одлучи да игра во МЛС.

МЛС направи проценка за Интер Мајами и му нагласи на клубот дека би можел да му понуди на Де Брујн нешто над 740.000 долари за година дена (тоа е нешто над 650.000 евра). Тоа е износ кој Де Брујн го заработува за малку повеќе од една недела.

Лигата даде и дополнителен „совет“ на Интер – ако ги продадат Серхио Бускетс и Жорди Алба, би можеле да му понудат на Де Брујн и до милион и 200.000 долари по сезона.

Дополнително – ако Интер Мајами се повика на примена на две различни правила „целна распределба на пари“ и/или „генерална распределба на пари“ кои му дозволуваат на клубот да го надмине максималното ограничување на селари капот, би можело да се одлучи за нешто поголема заработка. Интер Мајами во овој момент располага со 3.1 милион долари, но со оглед на тоа што овие правила се користат за да се платат дури седум играчи, тешко дека зголемувањето би било значајно.