Селекторот на македонската ракометна репрезентација, Кире Лазаров е презадоволен од изданието против Унгарија, иако постои разочарување за испуштената победа.
„Утрово се уште постоеше тага и разочарување кај голем дел од ракометарите, за пропуштената шанса против Унгарија. Сепак, како што минува денот тоа го снемува и целосно сме фокусирани и максимално мотивирани за дуелот со Холандија. Сепак, во составот имаме играчи кои добивале важни натпревари, кои исто така и губеле важни средби во своите кариери и знаат како да преболат спортски разочарувања“
Disc Golf challenge: Дали некој ќе погоди од прва!? ↓↓↓
Лазаров истакна дека најважно за него е да види борба од ракометарите како што тоа беше случај во вчерашната средба.
„Холандија е селекција која помалку ни одговара според стилот на игра затоа што има брз ракомет и ритам 60 минути. Нашите момци имаат самодоверба, имаат поддршка од нашите фанови кои ќе бидат во уште поголем број и треба да го искористиме тоа, да се чувствуваме како дома и да го дадеме нашиот максимум. Холанѓаните се апсолутни фаворити без разлика на нашиот резултат вчера, тоа го прифаќаме и само со максимална мотивација, сплотеност и борбеност ќе пробаме да им парираме“, изјави Лазаров.
Фото: РФМ
Учество во игри на среќа е дозволено за лица со 18+ години. Играј одговорно!