На повидок изненадување: Гатузо во борбата за Мундијал ќе повика фудбалер кој многумина го заборавија!

Селекторот на фудбалската репрезентација на Италија, Џенаро Гатузо, планира да го врати искусниот среден играч Марко Верати за претстојните бараж натпревари за Светскиот куп.

Според информациите од експертот за трансфери Николо Шира, Гатузо гледа во 33-годишниот Верати значајно засилување за тимот.

Шира известува дека во последните часови дошло до директен контакт меѓу двете страни, а Верати ја изразил својата подготвеност повторно да игра за Азурите.

Овој развој на ситуацијата беше неочекуван за многумина, имајќи предвид дека Верати не бил дел од репрезентацијата три години. Откако го напушти ПСЖ, тој играше во Катар (најпрвин за Ал-Араби, а сега за Ал-Духаил), па многумина заклучија дека неговата меѓународна кариера е завршена.

Верати има 55 настапи за Италија, а неговиот најголем успех со репрезентацијата е освојувањето на Европското првенство во 2021 година.