Бекот на Мајами Хит, Тери Розиер (31), и тренерот на Портланд Трејл Блејзерс, Чонси Билупс (49), беа уапсени во четвртокот како дел од две одделни, но поврзани истраги за илегално коцкање, јавува ESPN.
Розиер бил уапсен во четврток наутро во хотел во Орландо, само еден ден по поразот на неговиот тим Мајами Хит во првиот натпревар од сезоната против Орландо Меџик. На тој натпревар, тој не настапи по одлука на тренерот. Неговиот случај е поврзан со сомнителни активности за обложување пред натпреварот на Шарлот Хорнетс против Њу Орлеанс Пеликанс на 23 март 2023.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Обложувалниците тогаш забележаа значителен интерес за облозите на намалената игра на Розиер во поглед на поените, скоковите и асистенциите, што доведе до замрзнување на обложувањето. Розиер, кој тогаш играше за Хорнетс, одработи само десет минути на теренот пред да го напушти натпреварот поради наводна повреда на стапалото.
Адвокатот на Розиер, Џим Трасти, претходно изјави за ESPN дека неговиот клиент повеќепати се состанал со претставниците на НБА лигата и ФБИ во текот на 2023 година. Лигата тогаш спроведе истрага и утврди дека не било извршено кршење на правилата.
Уапсувањето на Билупс во Орегон е дел од посебна истрага за нелегална покер операција поврзана со мафијата, јавува ABC News. Се очекува дека Билупс, кој е тренер на Трејл Блејзерс од 2021 година и поранешен НБА шампион, во текот на четврток ќе се појави на првото судење.
Учество во игри на среќа е дозволено за лица со 18+ години. Играј одговорно!