Донарума има 10 конци на лицето, познато е колку ќе паузира

Џанлуиџи Донарума синоќа на натпреварот против Монако претрпе страшна повреда на лицето. Ден по натпреварот пристигнуваат информации за состојбата на италијанскиот голман.

Синоќа дерби натпреварот во француската Лига 1 го играа ПСЖ и Монако, а парискиот клуб победи со 4:2.

Но, овој натпревар го обележи и една тешка повред која ја претрпе голманот на ПСЖ.

Италијанскиот голман беше заменет во 17. минута од натпреварот по удар од копачка во лицето.

Вилфред Синго се обиде да стигне до топката во казнениот простор на францускиот првак, но при тоа го удри италијанскиот голман.

Голманот на ПСЖ на тој начин претрпе повеќе повреди на лицето, а докторите мораа да стават дури 10 конци.

Интересно е што за ова Синго не доби ниту жолт картон, а подолу можете да видите како изгледа лицето на Италијанецот.

🚨⚠️ Состојбата на Гиџио Донарума сликана од @ArthurPerrot… по прекршокот од Вилфред Синго. pic.twitter.com/KQRkASiyMO

— Fabrizio Romano (@FabrizioRomano) 18 декември, 2024

ПСЖ објави дека на голманот ќе му требаат неколку слободни денови за да се опорави по ова.

“Сакам да се извинам на Џанлуиџи Донарума. Очигледно беше ненамерно. Му посакувам брзо опоравување,” изјави Синго кој го повреди.

Инаку, по триумфот против Монако ПСЖ има 40 бодови, 10 повеќе од синоќешниот противник.