Енрике: Емери е еден од најдобрите тренери на светот

Тренерот на Пари Сен Жермен, Луис Енрике, изјави денеска дека неговиот колега од Астон Вила, Унаи Емери, е еден од најдобрите фудбалски тренери на светот, во пресрет на двобојот на двете екипи во четвртфиналето на Лигата на шампионите, во кој, како што оцени, нема фаворит.

Тој се изрази пофално за својот сонародник Емери. 

 „Емери е апсолутно еден од најдобрите тренери на планетата. Освои многу трофеи и има многу искуство. Го видовте како ја предводеше Астон Вила минатата сезона и оваа. Ова се две големи екипи кои сакаат да бидат уште поголеми и да станат најдобри, со два тренери кои го сакаат истото. Тоа ќе биде добра средба“, изјави Енрике.

Фото: ПСЖ/ФБ