Eкс-холандскиот репрезентативец сепак ќе оди во затвор: Полицијата го уапсила во Дубаи

Дел од руските медиуми објавија дека холандскиот фудбалер кој е осуден на затворска казна, Квинси Промес е уапсен во Дубаи.

Промес наводно бил уапсен откако се враќал од подготовките со остатокот од тимот.

Пред неколку дена во Холандија беше потврдена затворската казна за Промес од шест години поради учество во шверц на голема количина на кокаин. Исто така Промес беше и осуден на 1.5 година затворска казна поради напад на член на семејството на фамилијарен собир.

Засега не е познато дали Промес од Дубаи ќе биде екстрадиран или вратен во Русија. Бидејќи не постои договор за екстрадација помеѓу Русија и Холандија тој досега престојуваше во Москва.

Доколку се случи да биде вратен во Холандија веднаш ќе започне со служење на затворската казна.