Ѓоковиќ за пречекот во Дубаи: Беше подобро од најдоброто

Новак Ѓоковиќ со победа се врати на тениските терени откако на турнирот во Дубаи го совлада Лоренцо Музети.

Ѓоковиќ по натпреварот изрази задоволство од својата игра, но и се заблагодари на публиката за добриот пречек кој му го приредија.

„Победа во два сета, секако дека ќе бидам задоволен. Имаше моменти кога не играв многу добро. Но тоа е нормално кога не сте играле така долго. Овој спорт го сакам многу и имам страст. Беше неизвесно како ќе ме дочека публиката, но ова излезе подобро и од најдоброто. Ако излезев на терените во Австралија сигурно немаше да биде вака“, изјави Ѓоковиќ.