Донарума за Мусиала: Вознемирен сум, немав намера

Голманот на Пари Сен Жермен Џанлуиџи Донарума изјави дека немал намера да го повреди фудбалерот на Баерн Џамал Мусиала.

Мусиала ја скрши левата потколеница по дуелот со Донарума во петок навечер во финишот на првото полувреме на четвртфиналниот натпревар на Светското клупско првенство.

Голманот на Баерн, Мануел Нојер, го критикуваше Донарума за тој старт, велејќи дека бил подготвен да прифати ризик да го повреди противникот.

Во кратко соопштение испратено до „Газета дело Спорт“, Донарума објасни како се чувствува.

„Вознемирен сум од тоа што се случи. Никогаш не ми беше намера да го повредам Мусиала“, изјави италијанскиот голман.

Фото: Принтскрин