Челси има план: Сака тројца фудбалери на Бормут, но ќе треба да плати 160 милиони евра

Челси полека ги поставува летните трансфер приоритети, а три засилувања би можеле да најдат во тимот на Борнмут.

Крилниот фудбалер Антоан Семенјо ќе биде главна мета на клубот од Стамфорд Бриџ кога станува збор за засилувања во офанзивниот дел, а доаѓањата на Алехандро Гарначо (Манчестер Јунајтед) и Џејми Гитенс (Борусија Дортмунд) поради него се ставени во втор план.

Цената што тимот од „Дин Корт“ ја одредил за брзоногиот играч изнесува речиси 50 милиони евра, што не е висока сума на пари за денешните фудбалски услови.

Сепак, се поставува прашањето дали момчето родено во Челси со седум голови и четири асистенции во 27 настапи оваа сезона во Премиер лигата го оправдува и споменатиот износ.

🚨 Chelsea will prioritise a move to sign Bournemouth winger Antoine Semenyo over deals for Alejandro Garnacho and Jamie Gittens.

(Source: @siphillipssport) pic.twitter.com/YlfUTxIKsV

— Transfer News Live (@DeadlineDayLive) March 12, 2025

Интересно е што „сините“ во претходните две години веќе потрошија 130 милиони евра на Михајло Мудрик и Кристофер Нкунку, играчи кои ги покриваат позициите слично како и споменатиот Ганац.

Сајмон Филипс, новинар близок до тимот од западен Лондон, наведува дека двојниот шампион на Европа размислува за доведување на уште двајца фудбалери од истиот тим. Станува збор за дефанзивците Милош Керкез и Дин Хојсен.

Бекот кој по одбивањето од страна на Фудбалската федерација на Србија одлучи да игра за Унгарија игра навистина одлично и се истакнува со одлични акции во противничката половина. Неговиот напаѓачки придонес го привлече интересот на многу европски клубови како Ливерпул и Реал Мадрид. Цената на момчето од Врбас е слична како на Семенјо.

🚨| Liverpool are set to make a move for Milos Kerkez.

Milos is planning to leave Bournemouth, knowing several of the suitors interested in him will also likely have UCL football next season.

‼️ Chelsea also appreciate Kerkez and Real Madrid also have him on their shortlist.… pic.twitter.com/wTeqw6Ujzv

— Hungarian Football Xtra (@HunFootballXtra) March 6, 2025

Младиот холандски стопер исто така е на радарот на многу големи клубови, а во ред за неговиот потпис покрај Челси се и Реал, Ливерпул и Бајерн. Тинејџерот има откупна клаузула што изнесува 60 милиони евра, а малку е веројатно дека неговите тековни работодавци ќе го пуштат да замине за сума помала од онаа наведена.

Аквизицијата на триото од еден од најпријатните изненадувања во Премиер лигата би ја чинела Сините речиси 160 милиони, што покажува дека сопственикот Тод Бојли нема намера да го затвори чешмот за пари со цел да ги доведе трофеите што навивачите очекуваат во изобилство.