Бекер е понизок за осум сантиметри по излегувањето од затвор: Ја платив цената

Познатиот германски тенисер Борис Бекер откри дека изгубил дури осум сантиметри во висина, што, како што вели, е очекувано.

Имено, тој откри дека имал операција на колк, колено и зглоб поради што се намалил за осум сантиметри, што е сосема очекувано.

“Бев висок 1.93 метри, сега имам 1.85 поради операцијата на колкот, коленото и зглобот. Многу ослабев по операцијата, а ми кажуваат дека е нормално да изгубите во висина. Изгубив осум сантиметри и платив скапа цена”, откри германскиот тенисер.

Да додадеме дека од декември 2022 година Бекер е слободен човек откако изслужи осум месеци затвор поради прикривање на имот и кредити кои беше должен да ги открие.

Потоа учествуваше во шоуто “Celebrity Bear Hunt” кое го води познатиот Бер Грилс а се одвива во дивината на Костарика.