Бекер го „пецна“ Ѓоковиќ: Имаш 38 години, време е за пензија

Легендарниот германски тенисер и поранешен тренер на Новак Ѓоковиќ, Борис Бекер, даде искрен коментар за настапот на српскиот ас на Ролан Гарос, нагласувајќи дека се чувствува дека кариерата на Ѓоковиќ полека влегува во својата завршна фаза.

Според Бекер, Ѓоковиќ не прикажал игра на ниво со кое ја освојувал публиката и трофеите во минатото, а тоа, како што вели, отвора прашања за неговата иднина на професионалната сцена.

„Сите знаеме дека Новак има уште еден голем мотив – да ја освои 25. Гренд слем титула и да испише нова страница во историјата на тенисот. Но, гледаме дека остварувањето на таа цел станува сè потешко. Возраста е фактор што не може да се игнорира – има 38 години, телото веќе не реагира како порано, а конкуренцијата станува сè помлада и посилна. Можеби е време за пензија“, изјави Бекер.

Фото: Принтскрин