Англија го исфрли од тимот: Гринвуд сега ќе игра за друга репрезентација

Мејсон Гринвуд по преминот во Марсеј успеа да се врати на нивото на кое беше во Манчестер Јунајтед пред скандалот што го снајде. Животот во Англија очигледно го остави зад себе бидејќи се пишува дека ќе ја смени репрезентацијата и во иднина ќе игра под знамето на друга земја.

Гринвуд беше еден од најголемите таленти во Манчестер Јунајтед кој дебитираше како тинејџер и покажа дека има огромен потенцијал, но скандалот сето тоа го уништи.

Дека сака да го остави животот во Англија зад себе покажува информацијата дека Гринвуд сака да го смени спортското државјанство за да може да настапува за друга репрезентација.

Тој веќе како 18-годишник дебитираше за Англија и има право да го смени државјанството.

Се очекува дека целата документација е во ред и Гринвуд ќе добие „зелено светло“ од ФИФА за промената на спортското државјанство, па фудбалерот на Марсеј најверојатно во иднина ќе игра за Јамајка.