Фудбалерите на Манчестер јунајтед синоќа го совладаа како гостин Фулам со 1:0 во натпревар од 23. коло на Премиер лигата, но самиот меч не понуди многу возбудувања.
Зошто проблемот со улични кучиња СÈ УШТЕ постои? | Уште еден поткаст
Единствениот гол на средбата го постигна аргентинскиот дефанзивец Лисандро Мартинез во 78. минута, а гостите од Манчестер покажаа малку нешта кои би можеле да се карактеризираат како добра и квалитетна игра.
Триумфот над Фулам е најдобриот подарок за менаџерот Рубен Аморим кој вчера го прослави својот 40-ти роденден.
“Немам 40, туку 50 години. За два месеца во Манчестер јунајтед остарев 10 години, но ми е мило што сум тука и што со овие луѓе можам да го прославам мојот роденден“, изјави Аморим.
Манчестер јунајтед во последните четири дена оствари две важни победи, прво против Ренџерс во Лига Европа, а сега и против Фулам во Премиер лигата каде што е на 12-то место со 29 освоени бодови од 23 натпревари.
Учество во игри на среќа е дозволено за лица со 18+ години. Играј одговорно!