Аморим: Титула следната сезона? Не сум толку луд

Манчестер Јунајтед продолжува да ги разочарува своите поддржувачи и моментално е на 13-то место на табелата.

Сега следува градско дерби против шампионот Манчестер Сити, кој победи на последните два натпревари и изгледа во подобра форма од претходно.

Менаџерот Рубен Аморим не ја негираше лошата ситуација на неговиот тим и повика да не се очекува титула следната кампања.

„Не сум луд да кажам дека следната година ќе бидеме шампиони. Ќе треба многу да страдаме за да бидеме подобри од оваа сезона“, изјави Аморим.

„Тогаш, дали е реално да ја подигнеме титулата во 2028 година? Разбирам… Не сум наивен. Не можам да ги менаџирам очекувањата за нас. Знам дека во следните година или две нема да бидеме најсериозен кандидат за првото место. Се уште работиме на многу работи. Понекогаш менуваме одредени играчи на кои им е тешко да се прилагодат на новите стандарди“, додаде Аморим.