Абутовиќ емотивно се збогуваше: Те сакам Македонијо!

Српскиот ракометар Илија Абутовиќ со емотивна порака се прости од Пелистер и Битола, откако по две сезони го напушта македонскиот шампион и кариерата ја продолжува во Партизан.

Поранешниот европски шампион со Вардар, кој остави длабока трага во македонскиот ракомет, преку социјалните мрежи упати благодарност до клубот, градот и луѓето што биле дел од неговото секојдневие во изминатиот период.

Абутовиќ се заблагодари за искуствата, пријателствата и моментите поминати во Битола, а во пораката не пропушти да им честита и на Вардар за освоената шампионска титула, како и на Охрид за историскиот европски успех.

„Благодарам Пелистер и Битола на овие две години. Благодарам за новите искуства, новите познанства и најмногу за новите пријателства. Честитки за Вардар за освоената титула, честитки за Охрид за истирискиот европски трофеј. Те сакам Македонијо. И ти благодарам за сите години што ги поминав тука и за сите работи шти го доживеав како спортист и како човек. Засекогаш ќе бидеш во моето срце“, напиша Абутовиќ.