Марсело ја призна вината: Затајувал данок преку странски компании

Помеѓу фудбалерите и големиот број познати личности обвинети за затајување на данок се најде и еден од најважните играчи на Реал Мадрид, дефанзивецот Марсело.

Шпанските медиуми денес пишуваат дека Бразилецот не сакал да си создава дополнителни проблеми и ја признал вината и затоа ќе плати парична казна од 750.000 евра.

Во обвинението кон Марсело стои дека тој користел странски фирми со цел да го сокрие приливот на пари, а сето тоа се случувало во 2007 година, додека обвинителот тврди дека има докази за неправлиности од 2013 до денес.

Претходно пред судот во Шпанија се најдоа: Мурињо, Роналдо, Конетрао, Фалкао, Меси…