Барселона се пофали: Каталонците остварија приход од скоро милијарда евра!

Aко фудбалот е повеќе од спорт, тогаш Барселона секако е повеќе од клуб.

Токму така гласи нивниот клупски слоган, а со информацијата која вчера вечер ја објавија веројатно и го потврдија тоа. Барселона не претставува само фудбалски клуб, туку и каталонски идентитет и многу Каталонци ја сметаат како симбол за независност.

Се смета за еден од најпопуларните клубови во светот, кој секогаш привлекува огромно внимание.

Клубот на својот официјален Твитер профил ја објави финансиската пресметка за сезоната 2017-2018 и со гордост истакна дека оствариле рекорден приход од 914 милиони евра.