Кутињо најдобар Бразилец во Европа!

Играчот на Ливерпул, Фелипе Кутињо е избран за најдобар бразилски фудбалер во Европа. Тој во изборот на новинарите и поранешни фудбалери освои 32% од гласовите.

Фелипе Кутињо ја прекина доминацијата на Нејмар во изборот за најдобар Бразилец кој настапува во Европа. Играчот на Ливерпул освои 32% од гласовите и победи пред Нејмар, кој беше најдобар во претходните две години и фудбалерот на Реал, Каземиро.

Кутињо во кариерата играше за Васко де Гама, Еспањол и Интер, за националниот тим на Бразил одигра 23 натпревари и постигна шест голови.