Дрогба најави крај: Веќе имам 40 години, време е

Дидиер Дрогба донесе одлука наскоро да стави крај на блескавата фудбалска кариера.

Поминаа цели 20 години откако Дидиер Дрогба зачекори на фудбалскиот терен во дресот на Ле Ман, сега легендарниот фудбалер одлучи да стави крај на кариерата по завршувањето на тековната сезона.

„Доцна стигнав на највисоко ниво. Сакам да играм, ми се допаѓа улогата на сопственик и фудбалер во исто време. Сакам да играм со млади фудбалери, но оваа сезона за мене последна. Веќе имам 40, време е “, изјави Дрогба.

Иначе, Дрогба во овој момент е сопственик и фудбалер на клубот Финикс Рајзин кој се натпреварува во второто по ранг натпреварување во САД и Канада, веднаш зад МЛС.

Се шпекулираше дека Дроба би можел да се врати во Марсеј и да превземе една од директорските функции во клубот со кој ја освои титулата во Купот на УЕФА 2004 година, но барем засега од тоа нема да има ништо.