Еден од најпознатите ММА борци од регионот, Васо Бакочевиќ, ќе влезе во егзибициски меч против Кристијан Голубовиќ, пресметка која веќе привлекува големо внимание во Србија.
Иако Голубовиќ е речиси двојно потежок и значително повисок, Бакочевиќ не крие дека очекува победа. Нивниот дуел е дел од ИФЦ настанот што ќе се одржи на 14 ноември во халата на ФМП.
Во пресрет на спектаклот, Бакочевиќ заедно со уште неколку учесници од настанот ја посети Лозница и тамошниот Боксерски центар. Таму одработи тренинг, а на настанот имаше и многу деца кои сакаа фотографија со него.
Токму од Лозница, Бакочевиќ испрати и јасна порака до својот иден противник.
„Искрено, откако се отвори таа приказна кај Бака на лајв пред неколку месеци, никој веќе не ме прашува ни кога ќе биде ФНЦ, ни кога ќе биде бокс, туку само кога ќе се тепаш со Кристијан. Искрено, едвај чекам. Остана уште точно еден месец и се надевам дека ќе биде што е можно поспремен, ќе му треба“, порача Бакочевиќ.
Потоа следуваше и уште поостра реплика:
„Му реков веќе: ‘Криле, деведесеттите ги преживеа, ама ова тешко’. И, секако, на крајот: ‘Ајде сега тргни го тој Ролекс и дај ги клучевите од мерцедесот’“.
Бакочевиќ очигледно влегува максимално мотивиран во овој егзибициски дуел и не пропушта шанса дополнително да ја загрее атмосферата пред 14 ноември. Останува да се види дали Голубовиќ ќе одговори на провокациите или сè ќе решаваат во рингот на ИФЦ настанот во халата на ФМП.
Учество во игри на среќа е дозволено за лица со 18+ години. Играј одговорно!