ФРАНЦУСКИОТ напаѓач Килијан Мбапе се осврна на негативните коментари со кои се соочува откако пристигна во Реал Мадрид. Иако неодамна постигна гол во победата на Франција над Бразил, 27-годишниот фудбалер беше тема на критики поради неговите настапи во дресот на мадридскиот клуб. По неколкунеделна тишина, реши да проговори за критиките.
Критиките се нормални дури и за легендите
Мбапе, кој се наоѓа во Соединетите Американски Држави со француската репрезентација, се соочува со негативни коментари поврзани со неговата последна повреда, дијагнозата во Реал Мадрид и неговата посветеност на клубот.
Исхрана, повреди и тренинг – совети од доктор по спортска медицина | Уште еден поткаст
“За навивачите на Реал Мадрид, клубот е како религија. Луѓето се многу страсни. Сè што се однесува на клубот, а е поврзано и со мене, ги поттикнува луѓето да дискутираат и шпекулираат. Понекогаш со право, а понекогаш не”, објасни Мбапе за Téléfoot.
Ова не е првпат францускиот напаѓач да биде под метата на критичарите. Со неговото доаѓање во Реал летото 2024 година, се соочуваше со забелешки поради послабите настапи, на што одговори со освојување на титулата најдобар стрелец во шпанската Ла Лига и неговата прва Европска златна копачка.
Светскиот првак од 2018 година истакнува дека не е ниту првиот ниту последниот што го доживува ова во Мадрид. “Во Реал Мадрид мора да знаете како да се справите со критиките. И Роналдо и Ди Стефано го поминале тоа… Не гледам зошто би бил јас исклучок. Треба само да останете мирни, фокусирани и да продолжите да се развивате”, порача тој.
Учество во игри на среќа е дозволено за лица со 18+ години. Играј одговорно!