Пеп по ремито со Сандерленд призна без кого не може!

Тренерот на Манчестер Сити, Пеп Гвардиола, не остана разочаран од нерешениот резултат во Сандерленд и особено го истакна враќањето на Родри.

Овој шпански играч и оваа сезона е принуден да се бори со повреди, играјќи само осум натпревари и собирајќи нешто повеќе од 400 минути на терен. Но, во второто полувреме во Сандерленд покажа зошто, и покрај долгата пауза, е непроценлив за тимот.

“Го промени текот на натпреварот. Во тие 45 минути ја потврди својата извонредна вредност на неговата позиција. Откако едвај се справивме во првото полувреме, со Родри на теренот во второто се движевме многу полесно, ја подобривме играта, движењата ни беа посинхронизирани и пробивањето на линиите стана полесно. Цела година и пол нè мачеше неговото отсуство, затоа што навистина ни недостасуваше. Се надеваме дека ќе остане со нас, бидејќи е од суштинско значење за подобрување на тимот”, рече Пеп Гвардиола.

И покрај нерешениот резултат, Гвардиола не беше разочаран.

“Игравме одлично. Создадовме многу шанси. Не се сеќавам друг тим да дојдол овде и да создаде толку шанси како што направивме ние. Горди сме на начинот на кој игравме против силен противник на оваа тешка гостувачка задача. Дадовме сè од себе да победиме, но на крајот не успеавме. Дали сум фрустриран? Не, доволно сум зрел за да не дозволам резултатот во фудбалот да ме фрустрира”, изјави Пеп Гвардиола.

Манчестер Сити веќе во недела во 18:30 го пречекува Челси, а останува да видиме дали Родри ќе биде подготвен да се врати во почетниот состав.