Taжна вест од македонскиот фудбал: Почина Васил Рингов

Македонскиот фудбал денеска е завиен во црно. Почина Васил Рингов, едно од најголемите имиња што некогаш зачекориле на домашната фудбалска сцена.

Рингов беше поранешен репрезентативец на Македонија и Југославија, а најдлабок белег во кариерата остави носејќи го дресот на Вардар. Во текот на богатата фудбалска приказна настапуваше и за Партизан, Тетекс и Беласица, клубот во кој ги направи првите професионални чекори.

Во редовите на скопскиот гигант одигра над 200 натпревари и постигна 93 погодоци, бројки кои го вбројуваат меѓу најзначајните фудбалери во историјата на клубот.

Васил Рингов почина по кратко боледување, на 70-годишна возраст, оставајќи зад себе огромно наследство и неизбришлива трага во македонскиот фудбал.