Тренерот на Барселона, Ханси Флик, вешто го заобиколи прашањето за ситуацијата во Реал Мадрид и тренерот на овој тим, Чаби Алонсо. Како што е познато, Реал во последно време игра во слаба форма и е четири бода зад водечката Барселона.
Шпанските медиуми објавуваат дека Алонсо би можел да биде на удар доколку Реал не го совлада Алавес, а тој натпревар е закажан за недела.
Како екраните влијаат на детскиот развој? Разговор со дефектолог
Флик на денешната прес-конференција пред утрешниот дуел на неговата Барселона против Осасуна избегна да ги коментира Чаби Алонсо и ситуацијата во Реал.
“Не сакам да зборувам за Реал Мадрид, само за Барселона, затоа сум тука. Дали фудбалот е неправеден кон тренерите, не би навлегувал во тоа сега”, изјави тој и додаде:
“Мене не ме загрижува Реал, само нашата ситуација ме интересира”.
Барса е лидер во Примера со четири бода повеќе, а Флик истакнува дека има многу натпревари што треба да се одиграат.
“Само што е почеток на декември, и можеме уште подобро. Среќни сме што сме водечки, но остануваме фокусирани до крајот на сезоната”, рече Флик.
Учество во игри на среќа е дозволено за лица со 18+ години. Играј одговорно!