Македонската тенисерка Лина Ѓорческа со сигурна игра го започна настапот на турнирот во Романија, совладувајќи ја Симона Огеску со убедливи 2-0 во сетови, односно 6-3 и 6-2.
Ѓорческа во првиот сет ја наметна својата доминација уште по почетните геми, а првиот брејк го направи при резултат 2-2, кога поведе со 3-2. Иако Огеску веднаш возврати и израмни на 3-3, Македонката не дозволи изненадување – со агресивна игра освои уште два сервис-гема на својата противничка и го затвори сетот со 6-3.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Вториот сет беше исполнет со повеќе пресврти, бидејќи двете тенисерки имаа проблеми на свој сервис. Сепак, Ѓорческа покажа поголема ментална стабилност и искористи неколку клучни шанси, со што ја заврши партијата во своја полза со конечни 6-2.
Со овој триумф, Лина обезбеди пласман во следната рунда, каде што ќе се обиде да ја продолжи победничката серија.
Фото: Принтскрин
Учество во игри на среќа е дозволено за лица со 18+ години. Играј одговорно!